راسخ الٰہی کا اپنی رہائش گاہ پر پولیس آپریشن کیخلاف لاہور ہائیکورٹ سے رجوع

لاہور(کورٹ رپورٹر) سابق وزیر اعلیٰ پرویز الٰہی کے بیٹے راسخ الٰہی نے اپنی رہائش گاہ پر پولیس آپریشن کیخلاف لاہور ہائیکورٹ سے رجوع کرلیا، درخواست میں حکومت پنجاب،اینٹی کرپشن اور آئی جی پنجاب کو فریق بنایا گیا ہے، درخواست میں مؤقف اختیار کیا گیا ہے کہ عدالت نے اینٹی کرپشن کے مقدمے میں پرویز الٰہی کی 6 مئی تک ضمانت منظور کی تھی لہٰذا گھر پر چھاپہ غیر قانونی اور بنیادی حقوق کی خلاف ورزی ہے، اس مقدمے کے علاوہ اگر کوئی ایف آئی آر درج ہے تو عدالت کے روبرو پیش کی جائے، استدعا ہےکہ عدالت ظہور الٰہی روڈ کلیئرکرنے کا حکم دے اورپولیس کو ہٹنےکی ہدایت جاری کرے جبکہ عدالت حفاظتی ضمانت کی میعاد مکمل ہونے تک پرویز الٰہی کی گرفتاری روکنے کا حکم دے۔