امپورٹڈ حکومت اوچھے ہتھکنڈوں سے باز نہیں آرہی ،تحریک انصاف

لاہور(خصوصی رپورٹر) تحریک انصاف سنٹرل پنجاب ایجوکیشن ونگ کے زیر اہتمام پارٹی آفس جیل روڈ میں ماسٹر پولنگ ایجنٹ ٹرینرز کا ٹریننگ سیشن ہوا۔ ڈاکٹر یاسمین راشد اور ڈاکٹر عاطف الدین خان نےماسٹر ٹرینرز کے سیشن سے خطاب کرتے ہوئے کہا کہ الیکشن ڈے پر پولنگ ایجنٹس کا رول بڑی اہمیت کا حامل ہے۔پی ٹی آئی کے انتخابات میں پولنگ ایجنٹس کسی بھی قسم کی دھاندلی کو روکنے کے اپنا کردار ادا کریں گے ،مزید برآںڈاکٹر یاسمین راشد اور سیکرٹری اطلاعات عندلیب عباس نے کہا کہ چوہدری پرویز الٰہی کے گھر پرپولیس کے حملے توڑپھوڑ کرنے کی شدید الفاظ میں مذمت کرتے ہیں امپورٹڈ مکار حکومت اپنے اوچھے ہتھکنڈوں سے باز نہیں آرہی ۔ اعجاز احمد چوہدری نے کہا کہ چوہدری پرویز الٰہی کے گھر پر پولیس گردی کی شدید الفاظ میں مذمت کرتے ہیںمیاں محمود الرشید رانا محمد تنویر حافظ فرحت عباس شیخ امتیاز محمود زبیر نیازی ڈاکٹر سیمی بخاری ملک وقار علی امتیاز وڑائچ احمر بھٹی ندیم بارا ملک منصب عوان کہا ہے پرویز الہی کے گھر پر رات کے اندھیرے حملہ امپورٹڈ حکومت کی بدترین ریاستی دہشت گردی ہے۔