سی ٹی ڈی نے رواں ماہ 82مشتبہ افراد گرفتار کیے،12رہا

لاہور(کرائم رپورٹر )سی ٹی ڈی پنجاب نے رواں ماہ کے دوران کارروائی کر کے 20 ہزار سے زائد افراد کو چیک کیا اور لاہور سمیت دیگر اضلاع سے 82 مشتبہ افراد گرفتار کر کے ان کیخلاف مقدمات درج کرکے تفتیش کاآ غاز کر دیا ہے۔ ترجمان کے مطابق ملک میں دہشت گردی کے خدشات کے پیش نظر سی ٹی ڈی پنجاب نے اپنے خفیہ آپریشن بڑھا دیئے ہیں ،گیارہ انٹیلی جنس بیسڈ آپریشن میں 12 مشتبہ افراد کی نشاندہی کرکے پوچھ گچھ شروع کردی جبکہ واچ لسٹ میں آنے والے مشتبہ افراد کی سرویلنس و ریکارڈ چیکنگ جاری ہے ،رواں ہفتے 299 کومبنگ و سرچ آپریشنز کے گئے ترجمان نے بتایا کہ سی ٹی ڈی پنجاب کے دیگر اضلاع میں آپریشن کے دوران دو دہشت گرد ہلاک جبکہ تین پکڑے گئے،ہلاک ہونے والے دہشت گردوں میں عرفان اللہ اور الیاس ن شامل ہیں،دہشت گردوں سے ہینڈ گرنیڈ، ڈیوٹونیٹر اور بارودی مواد برآمد کر لیا گیا،پکڑے گئے دہشت گردوں کا تعلق کالعدم تنظیم سے ہے، دونوں دہشت گرد راجن پور میں کومبنگ آپریشن کے دوران مارے گئے، اس دوران حارث، سیف اور ابرار نامی دہشت گرد بھی پکڑے گئے۔