8500ناکافی،EOBI پنشنرز کا کم ازکم پنشن 25 ہزار روپے کرنیکا مطالبہ

لاہور (نیوزرپورٹر)ایمپلائیز اولڈ ایج بینیفٹس انسٹی ٹیوشن (ای او بی آئی) پنشنرز ویلفیئر ایسوسی ایشن نے کم از کم پنشن 25 ہزار روپے کرنے کا مطالبہ کردیا۔ایپوا کی شعبہ خواتین کی صدرافروز روہیلہ کا کہناہےکہ موجودہ 8500 روپے پنشن اونٹ کے منہ میں زیرہ ہے، قانون کی رو سے تین سال میں پنشن بڑھانا لازم ہے، پنشن میں آخری اضافہ جنوری 2020 ءمیں ہوا تھا۔انہوں نے مطالبہ کیا کہ کم از کم پنشن 25 ہزار روپے کی جائے اور نجی اداروں کے ملازمین کی ای او بی آئی رجسٹریشن کی جائے۔نوشابہ ہاشمی کا کہنا تھاکہ تمام بیمہ داران کوای او بی آئی کارڈ جاری کیاجائے، بورڈ آف ٹرسٹیز میں ای پی ڈبلیو اے کو نمائندگی دی جائے،موجودہ بورڈ کی مدت 2015 میں ختم ہوچکی، نیا بورڈ تشکیل دیاجائے۔شمس دوحہ زبیری کا کہنا تھاکہ ای او بی آئی کا سرمایہ 500 ارب روپے سے زائد ہے، ای او بی آئی باآسانی 25 ہزار روپے ماہانہ پنشن دے سکتا ہے۔