اسلام آباد(کامرس رپورٹر)فروری میں سگریٹ پر ٹیکس میں اضافے سے قومی خزانے میں 15ارب روپے سے زائد ریونیو جمع ہوا،ماہرین صحت و سماجی حلقوں نے کہاہے کہ حکومت تمباکو پر ٹیکس میں اضافے پر ثابت قدم رہےکیونکہ اس سے بڑے پیمانے پر سگریٹ نوشی میں کمی میں مدد ملے گی اور قومی خزانے میں خاطرخواہ ریونیو جمع ہوگا، سوسائٹی فار دی پروٹیکشن آف دی رائٹس آف چائلڈ (سپارک)کے زیر اہتمام کانفرنس میں صحت کے کارکنوں نے تمباکو پر ٹیکس لگانے پر ایک سمولیشن ماڈل پیش کیا جس میں بتایا گیا کہ تمباکو پر ٹیکس میں اضافہ پاکستان کی حکومت اور عوام کے لیے جیت ہے۔ تقریب سے خطاب کرتے ہوئے کمپین فار ٹوبیکو فری کڈز کے کنٹری ہیڈ ملک عمران نے کہا ، فروری 2023 میں سگریٹ پر فیڈرل ایکسائز ڈیوٹی (ایف ای ڈی)میں اضافے کے حکومتی فیصلے کی وجہ سے مالی سال 23-2022 میں 11ارب30کرو ڑاضافی ایف ای ڈی ریونیو حاصل کیا گیا جو گزشتہ سال کے مقابلے میں 9.7 فیصد زیادہ ہے۔ مالی سال 23-2022 میں اضافی 4.4ارب روپےویلیو ایڈڈ ٹیکس ریونیو حاصل کیا گیا جو گزشتہ سال کے مقابلے میں 11.5 فیصد زیادہ ہے۔ ٹوبیکو کنٹرول سیل وزارت صحت کے سابق ٹیکنیکل ہیڈ ڈاکٹر ضیاء الدین نے کہا ہر سال 170,000 سے زائد افراد تمباکو کے استعمال کی وجہ سے موت کے منہ میں چلے جاتے ہیں۔ اس وباء کی وجہ سے سالانہ 615 ارب کا معاشی بوجھ بھی پڑتا ہے ،سپارک کے پروگرام مینیجر خلیل احمد ڈوگر نے کہا تمام اسٹیک ہولڈرز کو اپنے اختلافات کو ایک طرف رکھ کر اپنے بچوں اور نوجوانوں کو تمباکو کے نقصانات سے بچانے کے لیے متحد ہونا چاہیے۔
کراچیجیوکے پروگرام ’’کیپٹل ٹاک‘‘ میں میزبان حامد میر سے گفتگو کرتے ہوئے ن لیگ کے سینیٹ میں پارلیمانی لیڈر...
اسلام اآ باد معلوم ہوا ہے کہ حکومت نے سرکاری ملازمین کے اکاؤنٹس میں تنخواہوں اور پنشن کی منتقلی میں تاخیر...
اسلام آباد صدر مملکت آصف علی زرداری نے یکم مئی مزدوروں کے عالمی دن کے موقع پر پیغام میں کہا ہے کہ آج...
کراچی سینیٹر فیصل واڈا نے سپریم کورٹ کے رجسٹرار کو ایک خط لکھا ہے جس میں مطالبہ کیا گیا ہے کہ جسٹس بابر ستار...
کراچیپاکستان کرکٹ بورڈ ہیڈ کوارٹر میں ایف آئی اے کے چھاپے اور ہیڈ آف ٹکٹنگ ماہ وش عمر سے پوچھ گچھ پر پی سی بی...
اسلام آباد اوگرا نے ایل پی جی کی فی کلو قیمت میں 11روپے 88پیسے کی کمی کر دی جس کے بعدایل پی جی کا گھریلو سلنڈر...
اسلام آباد اسلام آباد ہائیکورٹ کے چیف جسٹس عامر فاروق نے سائفر کیس میں سزائوں کیخلاف اپیلوں کی سماعت کے...
کابل افغانستان کے مغربی صوبہ ہرات میں مسلح افراد کی ایک مسجد میں فائرنگ سے چھ افراد جاں بحق اور ایک کو زخمی ہو...