مسلح افواج ملک کی بقا اور مسئلہ کشمیر کے حل کیلئے ناگزیر ،سردار عتیق

مظفرآباد (جنگ نیوز ،ایجنسیاں ) آل جموں کشمیر مسلم کانفرنس کے صدر سابق وزیر اعظم سردار عتیق احمد خان نے کہا ہے کہ 9مئی کے واقعات انتہائی افسوس ناک اور قابل مذمت ہیں۔ کچھ لوگوں نے ناقابل معافی جرم کیا ہے ان حالات کی زمہ دار ی تمام سٹیک ہولڈرز پر ہے،مختلف اوقات میں کیے گئے غلط فیصلوں کے باعث پاکستان میں یہ حالات پید اہوئے یہ آناً فاناً نہیں ہوا بلکہ کچھ سٹیک ہولڈرز کی لاپروائی،کچھ کی غفلت اور احساس زمہ داری محسوس نہ کرنے کے باعث ہوا اب مسئلہ کو حل کرنے کے لیے تما م سٹیک ہولڈرز کو اپنا کردار ادا کرنا ہوگاہم مستحکم جمہوریت منصف عدلیہ باوقار پارلیمنٹ پر یقین رکھتے ہیں لیکن عدلیہ، معیشت،پا رلیمنٹ، جمہوریت دفاع کا متبادل نہیں ہو سکتے دفاع کو مضبوط کر کے ہی یہ سب ادارے بچائے جا سکتے ہیں،مسلح افواج پاکستان ملک کی بقا اور مسئلہ کشمیر کے حل کے لیے ناگزیر ہیں فوج جتنی طاقت ور ہوگئی ملک اتنا طاقت ور ہوگا کمزور فوج کے باعث لیبا،عراق،شام سمیت کئی ممالک اپنی حکومتیں معیشت نہیں بچا سکے۔ ہمارا دشمن مسلح افواج کو ہی پاکستان سمجھتا ہے ہم نے 90میں ملٹری ڈیموکریسی کی بات کی تو ہمارامذاق اڑایا گیا ۔ہم لوگوں کو ملٹری ڈیموکریسی کی سمجھ آرہی ہے کسی بھی شعبہ کے بارے میں سوشل میڈیا پر کوئی تنقید نہیں لیکن ایک منظم منصوبہ کے تحت فوج پر سوشل میڈیا کی ذریعے تنقید کی جاتی ہے۔ وزارت خارجہ پاکستان کی کارکردگی بہتر رہی ہے۔ وزیر خارجہ بلاول بھٹو زرداری نے ہندوستان کو بے نقاب کیا جی 20کانفرنس میں شرکت نہ کرنے والے ممالک چائنہ،سعودیہ عرب، ترکی،مصر کا شکریہ ادا رکرتے ہیں۔قبل ازیں ریلی کی ابتداء غازی آباد سے مجاہد اول سردار محمد عبدالقیوم خان کے مزار سے کیا گیا ریلی میں سینکڑوں کی تعداد میں چھوٹی بڑی گاڑیاں اور بڑی تعداد میں موٹر سائیکل و دیگر ویکلز شامل تھیں۔ریلی کا جگہ جگہ استقبال کیا گیا ۔ریلی کے شرکا ء پاک فوج زندہ باد چیف آف آرمی سٹاف جنرل سید عاصم منیر الحاق پاکستان اور مسلم کانفرنس کے فلگ شگاف نعروں سے گونج اٹھا ۔شرکا ریلی میں اکثریت نوجوانوں کی تھی۔