دنیا کا مشکل وقت میں پاکستان کیساتھ میں کھڑا ہونا دشمنوں کو منہ توڑ جواب ہے،بلاول بھٹو

اسلام آباد(اے پی پی)وزیرخارجہ بلاول بھٹو زرداری نے طلبا پر زور دیا ہے کہ وہ معاشرے کی بہتری کے لئے اپنا کردار ادا کریں۔ جمعرات کو یہاں فضائیہ میڈیکل کالج کے دوسرے کانووکیشن سے خطاب کرتے ہوئے وزیر خارجہ نے توقع ظاہر کی کہ کالج سے فارغ التحصیل ہونے والے طلباو طالبات ملک کی ترقی میں بھرپور کردار اداکریں گے۔ انہوں نے کہا کہ پاکستان سمیت دنیا کو اس وقت موسمیاتی تبدیلیوں کا سامنا ہے، پاکستان نے مہلک کورونا وائرس کی وبا کامقابلہ بہتر طریقے سے کیا۔ ہمیشہ کوشش رہی کہ میڈیکل کے شعبہ میں بہتری لائی جائے ۔ وزیرخارجہ نے کہا کہ دنیااس وقت متعددچیلنجز کاسامناکررہی ہے۔ پاکستان کی خارجہ پالیسی بہتری کی جانب گامزن ہے۔ موسمیاتی تبدیلیوں سے ہونے والے نقصانات پر پوری دنیاپاکستان کے ساتھ کھڑی ہے۔ دنیاکا مشکل وقت میں پاکستا ن کے ساتھ کھڑا ہونا دشمنوں کو منہ توڑ جواب ہے۔ بلاول بھٹو زرداری نے کہا کہ جدید ٹیکنالوجی کو اپنانے والے ممالک ترقی کریں گے۔ ہماری ہمیشہ سے کوشش رہی ہے کہ ملک میں طبی شعبے کو بہتر بنایا جائے۔انہوں نے فضائیہ میڈیکل کالج میں پاس ہونےوالے تمام گریجویٹس کو مبارکباد پیش کرتے ہوئے کہا کہ طلبا اپنی روایات اور اقدار کو کبھی نہ بھولیں۔ وزیرخارجہ نے کہا کہ پاس ہونے والے نوجوان ملکی ترقی میں اپنا بھر پور کردار ادا کریں گے۔ انہوں نے کہاکہ ہر مشکل آپ کو مزید مضبوط بنائے گی۔ انہوں نے اس موقع پر میڈیکل کے طلبا کو سندھ کے ہسپتالوں کے دورے کی بھی دعوت دی۔