ذاتی انتقام نہیں قدرت کے انصاف پر یقین رکھتے ہیں، مریم نواز

لاہور (نیوز ایجنسی) مسلم لیگ (ن) کی سینئر نائب صدر مریم نواز نے عمران خان کے جواب میں رد عمل میں کہا کہ میں اور نواز شریف بدلے پر یقین نہیں رکھتے،جو ہو رہا ہے یہ قدرت کا نظام انصاف ہے، ذاتی انتقام نہیں قدرت کے انصاف پر یقین رکھتے ہیں، عمران کے سیاسی گناہ ان کا تعاقب کر رہے ہیں، وہ نواز شریف کیخلاف آلہ کار بنے۔ سماجی را بطے کی ویب سائٹ ٹو ئٹر پر لیگی رہنما مریم نواز نے میں بدلے پر یقین نہیں رکھتی ، عمران خان کے سیاسی گناہ ان کا تعاقب کر رہے ہیں اور انہوں نے یہ تسلیم کر لیا ہے کہ نواز شریف کے خلاف انہوں نے خوامخواہ کا محاذ کھول رکھا تھا خاص طور انھیں وزارت عظمیٰ کے منصب سے ہٹانے کے لئے عمران خان آلہ کار بنے،ہاں، ہمارا قدرت کے نظام انصاف پر کامل ایمان ہے، اور جو ہم دیکھ رہے ہیں ہو یہی قدرتی نظام انصاف کے ہی مناظر ہیں۔ اس طرح کا انصاف انسانیت کے لیے سبق آموز ہے۔مریم نواز نے کہا کہ اب جو عمران خان کہہ رہے کہ جو انہوں نے نواز شریف کے ساتھ کیا تھا وہ اتناغلط تھا کہ اب یہ سب ان کے ساتھ بھی وہی کچھ ہو رہا ہے۔ ایک اور ٹو ئٹ میں مریم نواز نے کہا کہ شہیدوں کا لہو کسی فرد کا نہیں، قوم کا قرض ہوتا ہے، ملک کا فخر اور مٹی کی امانت ہوتا ہے۔جو اسکی بےقدری کرے وہ صرف غدار ہوتا ہے ۔