مدینہ منورہ (شاہدنعیم) مدینہ منورہ میں پاکستانی عازمینِ حج کی آمد جاری ، اب تک 32 حج پروازوں کے ذریعے 7 ہزار 337 عازمینِ حجمدینہ منورہ پہنچ گئے، جمعرات کے روز مزید 13 حج پروازوں کے ذریعے 3400 عازمینِ حج مدینہ منورہ پہنچیں گے، وزیر مذہبی امور سینیٹر طلحہ محمود کی ہدایت پر مانیٹرنگ ٹیم تشکیل دے دی گئی ہے جبکہ مدینہ منورہ کے مین کنٹرول آفس نے اپنے کام کا آغاز کر دیا ہےکنٹرول روم میں عازمین حج کیلئے شعبہ گمشدگی و بازیابی نے راستہ بھولنے والے ایک درجن سے زائد ضعیف العمر عازمین کو انکی رہائش گاہوں تک پہنچایا ، عازمینِ کے 12 بڑے گمشدہ بیگ تلاش کر کے متعلقہ شخص کے حوالے کئے گئے، ترجمان مذہبی امور کا کہنا ہے کہ پاکستان حج مشن کے تحت شعبہ خوراک، رہائش ، زیارت جنت البقیع، مکہ روانگی ، شکایات سیل چوبیس گھنٹے شفٹوں میں کام کر رہے ہیں ابتک میڈیکل مشن کے تحت قائم ہسپتال میں 8 عازمینِ حج کو طبی امداد فراہم کی گئی۔