اسٹیٹ بنک کے پاس 4ارب 19 کروڑ ڈالر کے ذخائر رہ گئے

کراچی ( نمائندہ جنگ) بیرونی ادائیگیوں کے باعث ملکی زر مبادلہ کے ذخائر میں مزید 11 کروڑ90 لاکھ ڈالر کی کمی ،اسٹیٹ بینک کی جانب سے جاری کردہ اعداد و شمار کے مطابق 19 مئی کو ختم ہونے والے ہفتے کے اختتام پر زر مبادلہ کے ذخائر 11 کروڑ 90 لاکھ ڈالر کم ہو گئے ہیں اس کمی کے بعد اسٹیٹ بینک کے پاس 4 ارب 19 کروڑ 30 لاکھ ڈالر اور کمرشل بینکوں کے پاس 5 ارب 53 کروڑ 81لاکھ ڈالر رہ گئے ہیں،اس طرح مجموعی ملکی زر مبادلہ کے ذخائر 9 ارب 73 کروڑ 11 لاکھ ڈالر ہیں ،اسٹیٹ بینک کے مطابق زر مبادلہ کے ذخائر میں کمی بیرونی ادائیگیوں کے باعث ہو ئی ہے۔