دبئی، اسرائیلی کے قتل کی وجہ خاندانی تنازع ہے، حکام

دبئی(اے ایف پی)دبئی میں پولیس نے گزشتہ روز کہا ہے کہ ایک اسرائیلی شخص پر دیگر 8 اسرائیلوں کے جان لیوا حملے کا محرک دوخاندانوں کے درمیان تنازع تھا۔حکام کے مطابق، متحدہ عرب امارات کے مرکزی سیاحتی مرکز دبئی کے بزنس بے علاقے میں بدھ کو ہونے والے حملے میں زخموں کی تاب نہ لاتے ہوئے 33 سالہ غسان شمسیح دم توڑ گیا۔دبئی پولیس نے ایک بیان میں کہا کہ تمام آٹھ مشتبہ افراد،پولیس کی حراست میں ہیں، یہ لوگ یورپی ملک سے سیاحت اور خریداری کے لیے آئے تھے۔ان کا تصادم شمسیہ میں ایک کیفے میں ہوا، جس میں ایک تیز دھار آلے کے استعمال کی وجہ سے متاثرہ شخص کی موت واقع ہوئی۔اسرائیل کی وزارت خارجہ کے ترجمان نےخبررساں ادارے اے ایف پی کو بتایا کہ 30 سالہ اسرائیلی شہری کو چھرا گھونپ کر قتل کیا گیا۔