PTIچھوڑنے والے مرکزی ارکان کی بنیادی رکنیت ختم

لاہور ( این این آئی)تحریک انصاف کے چیئرمین عمران خان نے پارٹی چھوڑنے والے مرکزی قیادت کے ارکان کی بنیادی رکنیت ختم کر دی ذرائع کے مطابق کور کمیٹی واٹس ایپ گروپ سے عامر کیانی‘امین اسلم‘شیریں مزاری اور اسد عمر لیفٹ کر گئے جبکہ فوادچوہدری کو کور کمیٹی گروپ سے ریموو کیا گیا۔پی ٹی آئی کی رول آف لسٹ سے بھی کور کمیٹی ارکان کے نام ہٹا دیئے گئے، تحریک انصاف کی مرکزی و صوبائی قیادت کو پارٹی چھوڑنے والوں کو گروپس سے ریموو کرنے کی ہدایت جاری کی گئی ہے۔ذرائع کے مطابق بنی گالا کی سوشل میڈیا ٹیم کو ٹوئٹر، انسٹا گرام، ٹیلی گرام اور واٹس ایپ گروپ کو دوبارہ اپ ڈیٹ کرنے کی ہدایات جاری کر دی گئی ہیں۔