وزیر اعظم سے وزیر خارجہ کی ملاقات ، ملکی سیاسی صورتحال پر تفصیلی مشاورت

اسلام آ باد ( نیوز رپورٹر) وزیرِ اعظم محمد شہباز شریف نے کہا ہے کہ مسئلہ کشمیر برصغیر کی تقسیم کا ایک نامکمل ایجنڈا ہے۔بھارت کی مقبوضہ کشمیر کو اپنا حصہ ثابت کرنے کی مذموم کوششیں کبھی کامیاب نہ ہو سکیں گی۔ہر پاکستانی کا دل اپنے کشمیری بھائیوں کے ساتھ دھڑکتا ہے۔ وزیر اعظم نے یہ بات گزشتہ روز وزیرِ خارجہ بلاول بھٹو زرداری نے ملاقات کی ۔ملاقات میں موجودہ ملکی سیاسی صورتحال پر تفصیلی مشاورت کی گئی ۔وزیرِ اعظم نے وزیرِ خارجہ بلاول بھٹو زرداری کے بھارت کی طرف سے کشمیر پر جھوٹے پراپیگینڈے اور مقبوضہ وادی میں حالیہ G-20 اجلاس بلا کر دنیا کو غلط ثاثر دینے کی مذموم کوشش کو دنیا بھر میں بے نقاب کرنے کے اقدام کو سراہا۔وزیرِ اعظم نے وزیرِ خارجہ کے آزاد جموں و کشمیر قانون ساز اسمبلی میں کشمیریوں کی امنگوں کی ترجمانی سے بھرپور خطاب کی بھی تعریف کی ۔علاوہ ازیں وزیراعظم د شہباز شریف پشاور کے دورہ کے دوران مشیر وزیراعظم انجینئر امیر مقام کی رہائشگاہ گئے۔وزیراعظم آفس کے میڈیا ونگ سے جاری بیان کے مطابق وزیراعظم سے پاکستان مسلم لیگ (ن) کے خیبر پختونخوا کے عہدیداران اور سیا سی کارکنان نے ملاقات کی اور پاکستان مسلم لیگ (ن) خیبر پختونخوا سے متعلق امور پر بات چیت کی۔ادھروزیرِ اعظم محمد شہباز شریف سے رکن قومی اسمبلی غوث بخش مہر نے وزیرِ اعظم ہاؤس میں ملاقات کی ۔