صدر سپریم کورٹ بار نے آڈیو لیکس میں طلبی کا نوٹس چیلنج کردیا

اسلام آباد (این این آئی)صدر سپریم کورٹ بار عابد زبیری نے مبینہ آڈیو لیک کمیشن کا طلبی کا نوٹس چیلنج کردیا۔ جمعرات کو عابد زبیری نے طلبی کو نوٹس کی خلاف آئینی درخواست دائر کردی،آئینی درخواست میں وفاق، آڈیو لیک کمیشن، پیمرا اور پی ٹی اے کو فریق بنایا گیا ہے۔ درخواست میں استدعا کی گئی کہ مبینہ آڈیو لیک کمیشن تشکیل کا نوٹیفکیشن غیر آئینی قرار دیا جائے۔ درخواست میں استدعا کی گئی کہ آڈیو لیک کمیشن کا نوٹی فکیشن آرٹیکل 9، 14،18، 19، 25 کی خلاف ورزی ہے۔ مبینہ آڈیو لیک کمیشن کی کاروائی اور احکامات کا غیر آئینی غیر قانونی قرار دیا جائے۔