مختلف شہر وںمیں بارش،بہاولنگرمیں چھت گرنے سے لڑکا جاں بحق

بہاولنگر،لاہور،ساہیوال،بورےوالا(نمائندہ جنگ،ایجنسیاں )پنجاب کے مختلف شہروں میں گرج چمک کے ساتھ موسلادھار بارش ہوئی ،نشیبی علاقے زیر آب آگئے ،بہاولنگر موسلا دھار بارش طوفان اور بارش سے گھر کی چھت گرنے سے1 جاںبحق اور متعدد زخمی ہوگئے ۔ مدینہ ٹاون میں محنت کش کی فیملی ملبے تلے دب گئی 16 سالہ شہباز جاں بحق 5 افراد زخمی ہوگئے ، زخمیوںمیں 7 سالہ ثانیہ ، 8 سالہ عاصمہ ، آسیہ ، محمد شعبان ، منظور احمد شامل ہیں۔زخمیوں کوہسپتال منتقل کر دیا گیا۔ بورے والا میں موسلا دھار بارش اور ژالہ باری کے باعث متعدد فیڈرز ٹرپ کرگئے اور بجلی کی فراہمی معطل ہوگئی۔کمالیہ میں موسلادھار بارش سے نشیبی علاقے زیر آب آگئے، منچن آباد شہر اور گردونواح میں بھی گرج چمک کے ساتھ بارش ہوئی۔اس کے علاوہ سرگودھا،چیچہ وطنی،بہاولنگر،خانیوال، عارف والا، وہاڑی، ساہیوال اور اوکاڑہ بھی میں گرج چمک کے ساتھ بارش ہوئی جس سے گرمی کا زور ٹوٹ گیا۔محکمہ موسمیات کے مطابق آج ( اتوار سے) ملک کے بالائی اور مغربی علاقوں میں ہوائیں داخل ہوں گی جو 31 مئی تک بارشوں کا سبب بنیں گی۔