تحریک انصاف سابق ارکان اسمبلی سے سیکورٹی واپس لے لی گئی

پشاور(کرائم رپورٹر)خیبرپختونخوا میں تحریک انصاف کے سابق ارکان اسمبلی اوراہم شخصیات سے سیکورٹی واپس لے لی گئی ہے اوران کے ساتھ ڈیوٹی پر مامور 200سے زائد پولیس اہلکاروں کومتعلقہ پولیس لائنز کلوز کردیا گیاہے اورانہیں رپورٹ کرنے کی ہدایات کی گئی ہیں۔ذرائع کے مطابق تحریک انصاف کے سابق ارکان قومی اسمبلی، ارکان صوبائی اسمبلی سمیت بعض اہم شخصیات کے پاس 1سے 5,5تک پولیس اہلکار بطور سیکورٹی ڈیوٹی سرانجام دے رہے تھے تاہم 9اور10مئی کے بعد روپوش ہونے والے بیشتر ایم این ایز ، ایم پی ایز،ناظمین سمیت اہم شخصیات کے پاس سے سیکورٹی واپس لے لی گئی ہے ۔ان واقعات کے بعد کئی ارکان اسمبلی ،ناظمین اوررہنماؤں کیخلاف بھی صوبے کے مختلف اضلاع میں مقدمات درج ہیںاوران پر توڑپھوڑ میں ملوث ہونے کے الزامات لگائے گئے ہیں ۔تاہم اب ان کی سیکورٹی پر مامور پولیس اہلکاروں کو واپس بلایاجارہا ہے جن کی تعداد 200سے زائد بتائی جارہی ہے ۔ذرائع نے بتایا کہ ان اہلکاروں کو متعلقہ پولیس لائنز رپورٹ کرنے کی ہدایات جاری کی گئی ہیں ۔