زرداری اور بلاول بھٹو کا پارٹی کی خاتون رہنما بیگم تہماس خان کے انتقال پر اظہار افسوس

اسلام آباد ( وقائع نگار)سابق صدر آصف علی زرداری اور چیئرمین بلاول بھٹو زرداری نے پی پی پی شعبہ خواتین خیبرپختونخوا کی سابق نائب صدر بیگم تہماس خان کے انتقال پر اظہار رنج و غم کیا، انہوں نے مرحومہ کی صاحبزادی و سابق پارٹی ایم پی اے شازیہ تہماس سے دلی تعزیت و ہمدردی کا اظہار کیا ،بیگم تہماس خان مرحومہ کی پارٹی کیلئے خدمات کبھی فراموش نہیں کی جائیں گی، انہوں نے مرحومہ کیلئے جنت الفردوس اور سوگوار خاندان کیلئے صبر جمیل کی دعاکی۔