جھنگ،باپ نے غیرت کے نام پر بیٹی کو زندہ جلا دیا

جھنگ(این این آئی)جھنگ میں باپ نے اپنی بیٹی کو مبینہ طور پر غیرت کے نام پر زندہ جلا کر قتل کردیا۔پولیس کے مطابق جھنگ کی بستی ڈب میں معصومہ بی بی کو باپ نے اپنے بیٹے بیٹیوں کے ساتھ مل کر پیٹرول چھڑک کر آگ لگادی۔پولیس نے بتایاکہ لڑکی کو زخمی حالت میں ہسپتال منتقل کیا گیا جہاں لڑکی نے نزاعی بیان دیا کہ اسے اس کے والد اور بہن بھائیوں نے زندہ جلا یا۔نزاعی بیان کے بعد لڑکی دم توڑ گئی،پولیس نے باپ سمیت 6ملزمان کو گرفتار کرکے مقدمہ درج کرلیا۔