پی ٹی آئی چھوڑنے والے 26سابق ارکان اسمبلی کا ق لیگ میں شمولیت کیلئےرابطہ

لاہور(خصوصی رپورٹر) پاکستان تحریک انصاف کے 26 منحرف اراکین اسمبلی نے مسلم لیگ ق سےشمولیت اختیارکیلئے رابطہ کرلیا ہے،ارکان نے انتخابی ٹکٹ کا بھی مطالبہ کیا ہے۔ ذرائع کا بتانا ہے کہ ق لیگی قیادت سے رابطہ کرنے والوں میں سابق اراکین اسمبلی فیض اللہ کموکا اورچوہدری اخلاق و دیگر شامل ہیں۔ ق لیگ نے چوہدری سرور کو رابطوں کی ذمہ داری دے دی جبکہ دوسری جماعتوں سے بات چیت کی ذمہ داریاں بھی سونپ دی گئیں۔ تحریک انصاف کے اراکین کی ایڈجسٹمنٹ کا اختیار بھی چوہدری سرور کو دے دیا گیا۔ ذرائع کا بتانا ہے کہ ق لیگ سے رابطے کرنے والوں کی اکثریت کا تعلق جنوبی پنجاب سے ہے۔