کئی شہروں میں موسلادھار بارش،بجلی فراہمی معطل،نشیبی علاقےزیرآب

ساہیوال ، بورے والا (صباح نیوز)پنجاب کے مختلف شہروں میں گرج چمک کے ساتھ موسلادھار بارش ہوئی ،نشیبی علاقے زیر آب آگئے اور کئی علاقوں میں بجلی کی فراہمی معطل ہوگئی۔ بورے والا میں موسلا دھار بارش اور ژالہ باری کے باعث متعدد فیڈرز ٹرپ کرگئے اور بجلی کی فراہمی معطل ہوگئی۔کمالیہ میں موسلادھار بارش سے نشیبی علاقے زیر آب آگئے، منچن آباد شہر اور گردونواح میں بھی گرج چمک کے ساتھ بارش ہوئی۔اس کے علاوہ سرگودھا،چیچہ وطنی، بہاولنگر، خانیوال، عارف والا، وہاڑی، ساہیوال اور اوکاڑہ بھی میں گرج چمک کے ساتھ بارش ہوئی جس سے گرمی کا زور ٹوٹ گیا۔محکمہ موسمیات کے مطابق آج ( اتوار سے) ملک کے بالائی اور مغربی علاقوں میں ہوائیں داخل ہوں گی جو31مئی تک بارشوں کا سبب بنیں گی۔