ڈار سے اماراتی سفیر کی ملاقات، مختلف شعبوں میں سرمایہ کاری کی خواہش کا اظہار

اسلام آباد (محمد صالح ظافر) وفاقی وزیر خزانہ اسحاق ڈار سے متحدہ عرب امارات کے سفیر حماد عبید سالم الزابی نے ملاقات کی ۔ جس میں دونوں برادر ممالک کے درمیان تجارتی اور اقتصادی تعلقات سمیت مشترکہ مفادات کے مختلف شعبوں میں تعلقات کو مستحکم کرنے اور فروغ دینے پر تبادلہ خیال کیا گیا ۔ یہ ملاقات آئندہ مالی سال میں ا مارات کی جانب سے مالیاتی سہارا دیئے جانے کے حوالے سے نہایت اہم رہی ۔ اس معاملے میں دونوں ممالک کی قیادت میں نمایاں ہم آہنگی اور مفاہمت پائی جاتی ہے ۔ اس موقع پر اسحاق ڈار نے توانائی ، ریفائنری ، پیٹرولیم اور تجارت کے شعبوں میں مثالی تعاون کا اعتراف کیا ۔ الزابی نے بتایا کہ ان کا ملک پاکستانی اقتصادیات کے مختلف شعبوں میں سرمایہ کاری کا خواہشمندہے ۔ وزیر خزانہ نے امارات کے سفیر کو گزشتہ ماہ شادی پر مبارکباد دی ۔