انٹر بینک میں استحکام ، اوپن مارکیٹ میں ڈالر 7؍روپے تک مہنگا

کراچی ( اسٹاف رپورٹر) روپے کے مقابلے پر انٹر بینک میں ڈالر کی قیمت مستحکم رہی،اوپن مارکیٹ میں 7 روپے تک بڑھ گئی ،یورو کی قیمت میں بھی 4 روپے تک کا اضافہ،پاؤنڈ 3 روپے تک مہنگا ہو گیا،فاریکس ایسوسی ایشن کی جاری کردہ رپورٹ کے مطابق جمعہ کو روپے کے مقابلے پر انٹر بینک میں ڈالر کی قیمت خرید 285.00 روپے اور قیمت فروخت 285.60 روپے پر برقرار رہی ،لیکن اوپن مارکیٹ میں ڈالر کی قیمت خرید 7 روپے کے اضافے سے 290.00 روپے سے بڑھ کر 297.00 روپے اور قیمت فروخت 2 روپے کے اضافے سے 298.00 روپے سے بڑھ کر 300.00 روپے ہو گئی ہے ،فاریکس رپورٹ کے مطابق یورو کی قیمت خرید 2 روپے کے اضافے سے 310.00 روپے سے بڑھ کر 312.00 روپے اور قیمت فروخت 4 روپے کے اضافے سے 313.00 روپے سے بڑھ کر 317.00 روپے ہو گئی جبکہ برطانوی پاؤنڈ کی قیمت خرید 1.60 روپے بڑھنے کے بعد 361.40 روپے سے بڑھ کر 363.00 روپے اور قیمت فروخت 365.00 روپے سے بڑھ کر 368.00 روپے ہو گئی۔دریں اثنا جمعہ کو اسٹیٹ بینک کا ڈالر کلوزنگ ریٹ 30 پیسے کے اضافےسے 285.68 روپے ہو گیا ہے۔