برطانیہ، محکمہ ٹرانسپورٹ کے وفد کا پاکستان کے 3 بڑے ایئرپورٹس کا سیکورٹی آڈٹ مکمل

کراچی(این این آئی)برطانیہ کے محکمہ ٹرانسپورٹ کے وفد نے پاکستان کے 3بڑے ایئرپورٹس کا سیکورٹی آڈٹ مکمل کرلیا، وفد نے اقدامات پر اطمینان کا اظہار کیا ہے۔تفصیلات کے مطابق برطانیہ کے محکمہ ٹرانسپورٹ نے اسلام آباد، لاہور اور کراچی ایئرپورٹس کی سیکورٹی آڈٹ مکمل کرلیا ہے، برطانوی ٹیم نے ایئرپورٹس کی سیکورٹی آڈٹ مکمل کرنے کے بعد برطانیہ روانہ ہوگئے۔ذرائع نے بتایا کہ برطانوی محکمہ ٹرانسپورٹ کے وفد نے پاکستان کے ایئرپورٹ پر سیکورٹی سے متعلق اقدامات پر اطمینان کا اظہار کیا ہے۔ذرائع نے بتایا کہ برطانوی ٹیم نے اسسمنٹ پروگرام کے تحت ایئرپورٹس کی سیکورٹی سے متعلق انتظامات کا جائزہ لیا، سی اے اے ٹیم نے برطانوی ٹیم کو ایئر پورٹس پر کئے جانے والے اقدامات کے حوالے سے بریفنگ دی۔ذرائع کا بتانا ہے کہ برطانوی ٹیم نے اسلام آباد، کراچی اور لاہور ایئرپورٹس پر سیکورٹی کا آڈٹ کیا، اس دوران وفد نے فلائٹ کچن،گراونڈ ہینڈلنگ سمیت دیگر شعبہ جات کا بھی آڈٹ کیا۔