پارٹی رہنمائوں کو ایک دوسرے کو فون کرنے پر دہشتگرد قرار دیا جا رہا ہے،حماد اظہر

اسلام آ باد(پی پی آ ئی) پی ٹی آئی رہنما حماد اظہر نے کہا ہے کہ ایک دوسرے کو فون کرنے پرپوری جماعت کو دہشت گرد قرار دیا جا رہا ہے ۔ سماجی را بطے کی ویب سا ئٹ ٹو ئٹر پر اپنے پیغام میں حماد اظہر نے کہا ہے ’’کہ آئی جی نے اب تک تحریک انصاف کے خلاف واحد ثبوت یہ دیا ہے کے قیادت نے مبینہ طور پر 9مئی کو فون سے ایک دوسرے کو کال کی جسے غیر قانونی طور پر ٹریس کیا گیا۔ ان کالز میں کیا گفتگو ہوئی اس کا بھی انھیں کوئی علم نہیں۔ایک دوسرے کو فون کرنے پر اگلے نے پوری جماعت کو دہشت گرد قرار دے دیا‘‘۔