یورپی یونین نے ہم پر پابندیاں لگا کر خود کو نقصان پہنچایا ، روس

جنیوا (اے پی پی) روس نے کہا ہے کہ یورپی یونین نے ہم پر پابندیاں لگا کر خود کو نقصان پہنچایا ہے، اشیا کی قیمتوں میں اضافہ، بڑھتی ہوئی غیر یقینی صورتحال روس مخالف پابندیوں کے براہ راست نتائج ہیں۔ تفصیلات کے مطابق عالمی تجار تی ادارے( ڈبلیو ٹی او)میں روسی وفد نے کہا ہے کہ یورپی یونین نے روس پر پابندیاں لگا کر خود کو نقصان پہنچایا ہے۔ وفد نے یہ تبصرہ ڈبلیو ٹی او کے ہیڈ کوارٹر میں یورپی یونین کی تجارتی پالیسی کے جائزےبارے بات چیت کے دوران کیا ۔تجارتی نمائندوں میں سے ایک نے نام ظاہر نہ کرنے کی شرط پر بتایا کہ یورپی یونین نے تجارتی پالیسی کے جائزے کی تیاری کےلیے بھیجے گئے تحریری سوالات کا جواب نہ دے کر تنظیم کے قوانین کی کھلم کھلا خلاف ورزی کی ، وفد نے سیاسی جذبات پر یورپی یونین کو تنقید کا نشانہ بنایا۔