روسی تیل چندروز میں آجائیگا، قیمتیں کم ہوں گی ،مصدق ملک

اسلام آباد (پی پی آئی)وزیر مملکت پیٹرولیم ڈاکٹر مصدق ملک نے کہا ہے کہ انتخابات اپنے وقت پر ہی ہوں گے، ملک میں مہنگائی ہے، اسے کم کرنے کیلئے اقدامات کر رہے ہیں۔پی پی آئی کے مطابق میڈیاسے گفتگو کرتے ہوئے انہوں نے روسی تیل کے پاکستان آنے کے حوالے سے آگاہ کیا اوربتایا کہ روس سے سستا تیل پاکستان آنے والا ہے، جیسے روس سے تیل آئے گا قیمتیں کم ہونا شروع ہوجائیں گی۔مصدق ملک کا کہنا تھا کہ آج یا کل تک روس سے جہاز آجائے گا۔