باجوڑ میں سیکورٹی فورسز کا آپریشن کالعدم داعش کا کمانڈر ہلاک

پشاور(صباح نیوز) خیبر پختونخوا کے علاقے باجوڑ میں سیکورٹی فورسز نے ایک آپریشن میں کالعدم داعش کمانڈر سبحان کو ہلاک کردیا۔ ایس پی سی ٹی ڈی امجد خان نے لوئر دیر میں پریس کانفرنس کے دوران بتایا کہ باجوڑ میں سی ٹی ڈی اور پولیس نے مشترکہ آپریشن کیا جس میں داعش کمانڈر سبحان عرف عثمان مارا گیا۔امجد خان نے کہا کہ دہشت گرد نے فورسز کو دیکھتے ہی فائرنگ کردی، جوابی کارروائی میں داعش کمانڈر مارا گیا، دہشت گرد سے اسلحہ اور دستی بم برآمد ہوئے۔