الیکشن قانون کے بعد بھی قانون پاس کئے جارہے ہیں حافظ نعیم الرحمٰن

کراچی (صباح نیوز)امیرِ جماعت اسلامی کراچی حافظ نعیم الرحمٰن نے کہا ہے کہ الیکشن قانون کے بعد بھی قانون پاس کئے جارہے ہیں۔کراچی میں پریس کانفرنس میں نے کہا کہ سپریم کورٹ میں ہمارے وکیل نے دلائل دئیے ہیں، آج بھی کے ای ایس سی کی باقاعدہ سماعت نہیں ہوئی ، کراچی میں سٹریٹ کرائمز کی صورتحال بہت بدتر ہے اس شہر میں ٹرانسپورٹ سسٹم بھی درست نہیں ہے، کراچی کو اس وقت 10ہزار بسوں کی ضرورت ہے، ایک ہی بس کا افتتاح مختلف ناموں سے کر دیتے ہیں، ٹرانسپورٹ کی مد میں بجٹ کا حساب ہمیں چاہیے۔انہون نے کہا کہ 15جون کو میئر کا انتخاب ہو رہا ہے، پیپلز پارٹی نے میئر کے لئے نام دے دیا ہے، قانون تھا کہ ہائوس میں میئر منتخب ہو گا تو آپ نے ترمیم کر دی، آپ نے ترمیم کی کہ کوئی رکن نہ بھی ہو تو میئر بن سکتا ہے۔انہوں نے کہا کہ الیکشن کے شیڈول کے بعد اس طرح کے قانون پاس کر رہے ہیں، الیکشن کمیشن نے پی پی کو پورا موقع فراہم کیا۔