سونا فی تولہ 2300؍روپے سستا

کراچی ( اسٹاف رپورٹر) سونے کی قیمت میں 2300 روپے فی تولہ کی کمی ،چاندی بھی 100 روپے فی تولہ سستی ہو گئی ،تفصیلات کے مطابق عالمی مارکیٹ میں سونے کی قیمت 24 ڈالر فی اونس کے اضافے سے 1940 ڈالر سے بڑھ کر 1964 ڈالر فی اونس ہو گئی ہے لیکن اس کے برعکس مقامی مارکیٹ میں سونے کی قیمت 2300 روپے فی تولہ کی کمی سے 2 لاکھ 28ہزار 100 روپے فی تولہ اور 10 گرام سونے کی قیمت 1972 روپے کی کمی سے ایک لاکھ 95ہزار 559 روپے ہو گئی ہے جبکہ چاندی کی قیمت 100 روپے فی تولہ کی کمی سے 2750 روپے سے کم ہو کر 2650 روپے فی تولہ پر آگئی ہے۔