ڈاکٹر یاسمین راشد کی بریت کیخلاف پنجاب حکومت کا لاہور ہائی کورٹ سے رجوع

لاہور (کورٹ رپورٹر) پی ٹی آئی رہنما اور سابق صوبائی وزیر صحت ڈاکٹر یاسمین راشد کی بریت کے خلاف پنجاب حکومت نے لاہور ہائی کورٹ سے رجوع کرلیا،درخواست میں مؤقف اختیار کیا گیا ہے کہ ٹرائل کورٹ نے حقائق کے برعکس ڈاکٹر یاسمین راشد کو مقدمے سے ڈسچارج کیا، سابق صوبائی وزیر نے جناح ہاؤس پر حملہ کرنے والی ریلی کی قیادت کی، تمام ثبوت موجود ہونے کے باوجود ڈاکٹر یاسمین راشد کو مقدمے سے ڈسچارج کیا گیا، عدالت سے استدعا ہے کہ ڈاکٹر یاسمین راشد کو مقدمے سے ڈسچارج کرنے کا فیصلہ کالعدم قرار دیا جائے۔