انٹر بینک میں ڈالر 45؍پیسے مہنگا اوپن مارکیٹ میں 2؍روپے سستا

کراچی ( اسٹاف رپورٹر) روپے کے مقابلے پر انٹر بینک میں ڈالر کی قیمت میں 45 پیسے کا اضافہ،اوپن مارکیٹ میں قیمت 2 روپے گھٹ گئی ، یورو کی قیمت میں بھی 4 روپے کی کمی ،پاؤنڈ بھی 3 روپے سستا ہو گیا، فاریکس ایسوسی ایشن کی جاری کردہ رپورٹ کے مطابق منگل کو روپے کے مقابلے پر انٹر بینک میں ڈالر کی قیمت خرید 45 پیسے کے اضافے سے 285.75 روپے سے بڑھ کر 286.20 روپے اور قیمت فروخت 286.35 روپے سے بڑھ کر 286.80 روپے ہو گئی ہے ،دوسری جانب اوپن مارکیٹ میں2 روپے کی کمی سے ڈالر کی قیمت خرید 300.00 روپے سے کم ہو کر 298.00 روپے اور قیمت فروخت 303.00 روپے سے کم ہو کر 301.00 روپے ہو گئی ہے ،فاریکس رپورٹ کے مطابق یورو کی قیمت خرید 4 روپے کی کمی سے 321.80 روپے سے کم ہو کر 317.80 روپے اور قیمت فروخت 325.00 روپے سے کم ہو کر 321.00 روپے ہو گئی ہے ،جبکہ 3 روپے کی کمی سے برطانوی پاؤنڈ کی قیمت خرید 372.30 روپے سے کم ہو کر 369.30 روپے اور قیمت فروخت 376.00 روپے سے کم ہو کر 373.00 روپے ہو گئی ہے ،دریں اثنا منگل کو اسٹیٹ بینک کا ڈالر کلوزنگ ریٹ 37 پیسے کے اضافےسے 286.56 روپے رہا۔