قاسم مجید نے نمائندگی کا حق ادا کر دیا ،وسیم نائب

اسلام گڑھ(نمائند جنگ)پاکستان پیپلز پارٹی یونین کونسل کنیل کے رہنما چوہدری وسیم نائب نے کہا ہے کہ ممبر قانون ساز اسمبلی چوہدری قاسم مجید نے حلقہ بھر میں ترقیاتی کاموں کا آغاز کر کے انتخابی وعدوں کو پورا کر دیا ہے۔ عوام کی نمائندگی کا حق ادا کر دیا،چوہدری قاسم مجید اپنے والد سابق وزیر اعظم چوہدری عبدالمجید کے نقش قدم پر چلتے ہوئے عوام کے مسائل ان کی دہلیز پر حل کررہے ہیں ۔ان خیالات کا اظہار انہوں نے اپنے بیان میں کیا۔