ترقیاتی منصوبوں کو موسمیاتی تبدیلی کے مطابق ڈھالاجائے‘ ضیاء لانگو

کوئٹہ(خ ن)وزیر داخلہ میر ضیاءاللہ لانگو کی زیرِ صدارت پی ڈی ایم اے بلوچستان کی کارکردگی کے حوالے سے اعلیٰ سطح اجلاس ہواجس میں سینئر ایم بی آر روشن علی شیخ،اسپیشل سیکرٹری جاوید جاموٹ، ڈی جی پی ڈی ایم اے جہانزیب خان ،ڈاٹریکٹر پی ڈی ایم اے عطاءاللہ مینگل،ڈپٹی ڈائریکٹر فیصل پانیزئی، فیصل طارق، ڈپٹی ڈائریکٹر امان اللہ رندو دیگر متعلقہ حکام نے شرکت کی روشن علی شیخ نے وزیر داخلہ کو ڈویژنل ڈیزاسٹر ولیجزمختلف ترقیاتی کے بارے میں تفصیلی طور پر آگاہ کیا جس پر وزیر داخلہ میر ضیاءاللہ لانگو نے کہا کہ صوبے میں موسمیاتی تبدیلی کے پیشِ نظر، وسط مدتی سے طویل مدتی حکمت عملی بنانے کی ضرورت ہے جبکہ ترقیاتی کاموں کو موسمیاتی تبدیلی کی ترجیحات کے مطابق ڈھالنے کی ضرورت ہے تاکہ مستقبل میں سیلاب اور بارشوں کے نقصانات سے بچاجاسکے۔