پنجاب میں ’’ گاؤں چمکیں گے ‘‘ پروگرام شروع کرنے کافیصلہ

لاہور (آئی این پی ) حکومت پنجاب نے دیہا تو ں میں عوام کوشہر کی طرز پر سہولتیں فراہم کرنے کا منصوبہ بنایا ہے اور پنجاب کے دیہات میں اب گاؤں چمکیں گے پروگرام شروع کرنے کا فیصلہ کیا گیا ہے۔ دیہاتوں میں پینے کے صاف پانی کی فراہمی اورصفائی کا مربوط نظام تشکیل دیا جائے گا۔ حکومت پنجاب کے مطابق دیہا توں میں لوگوں کو بنیادی سہولتیں ان کی دہلیز پر فراہم کی جائیں گی۔ گاوں کے لوگوں کو برتھ،ڈیتھ سر ٹیفکیٹ،شادی اورطلاق رجسٹریشن کیلئے دور نہیں جانا پڑے گا،ہر گاؤں میں چوکیداری کابہترین نظام رائج کیا جائے گا۔ گاوں کی حالت سدھار نے کیلئے مقامی معززین پرمشتمل کمیٹی تشکیل دی جائے گی اور کمیٹی تشکیل دینے کا اختیار متعلقہ اسسٹنٹ کمشنر کو حاصل ہوگا۔