اسلام آباد ہائیکورٹ ،گرفتار ملزمان کی درخواستیں آج سماعت کیلئے مقرر

اسلام آباد(این این آئی)اسلام آباد ہائیکورٹ نے 9مئی کے بعد درج مقدمات میں ملزمان کی ضمانت بعد ازگرفتاری کی درخواستیں آج سماعت کے لیے مقرر کر دیں۔9 مئی کے بعد درج مقدمات میں دو ملزمان کی ضمانت بعد از گرفتاری کی درخواست پر سماعت اسلام آباد ہائیکورٹ کے چیف جسٹس عامر فاروق اور جسٹس طارق محمود جہانگیری نے کی عدالت نے پہلے سے زیر سماعت ایک اور ملزم کی ضمانت کے ساتھ کیس یکجا کردیا ۔چیف جسٹس نے ریمارکس دئیے کہ تینوں ملزمان کی ضمانت بعد از گرفتاری پر سماعت اب آج ہوگی،چیف جسٹس نے استفسار کیا کہ پہلے جو درخواست دائر تھی اس پر کیا ہوا تھا ،وکیل ملزمان نے بتایا کہ وہ درخواست جمعرات کیلئے مقرر ہے ،عدالت نے ریمارکس دیتے ہوئے تینوں ملزمان کی درخواستیں جمعرات کو سماعت کے لیے مقرر کر دیں ،ملزمان کے خلاف تھانہ شمس کالونی میں جلاؤ گھیراؤ کا مقدمہ 10 مئی کو درج ہوا تھا۔