آئین کے منافی کام آئین توڑنے کے مترادف ہوگا،لطیف کھوسہ

اسلام آباد (صباح نیوز)پاکستان پیپلز پارٹی کے رہنما لطیف کھوسہ نے کہا ہے کہ آئین کے منافی کام آئین توڑنے کے مترادف ہوگا۔ میڈیا سے گفتگو میں عبدالرزاق شر کے قتل کی مذمت کرتے ہوئے لطیف کھوسہ نے کہا کہ کوئٹہ میں وکیل کا قتل قابل مذمت ہے، وہ ہمارا ساتھی تھا، ان کے قاتلوں کو گرفتار کیا جائے، مجھے لوگوں نے فون کر کے بتایا عبدالرزاق شر کی ذاتی دشمنی تھی لیکن ایک شخص جو خود کو وزیراعظم کا ترجمان کہتا ہے اس نے بغیر تحقیق کسی پر قتل کا الزام لگا دیا۔پنجاب اور خیبرپختونخوا میں الیکشن کے حوالے سے لطیف کھوسہ نے کہا کہ آئین کا تقاضا ہے اسمبلیاں تحلیل ہوں تو انتخابات 90 روز میں ہوں گے، دونوں نگرا ن حکومتوں کا 90 دن بعد کوئی آئینی جواز نہیں۔