وسطی باغ میں آج ضمنی الیکشن ،ضیا القمر، مشتاق منہاس، کرنل ضمیر مدمقابل

باغ (صباح نیوز) وسطی باغ کے ضمنی الیکشن کے سلسلے میں 8جون کو ضلع باغ میں تعطیل ہوگی ۔ ڈپٹی کمشنر باغ عبدلحمید کیانی نے قانون ساز اسمبلی کے ضمنی انتخابات حلقہ ایل اے ۔15باغ 2 کی پولنگ کے موقع پر8 جون کو ضلع باغ میں تعطیل کا حکم جاری کیا ہے تاہم اس دوران انتظامیہ ، برقیات ،صحت عامہ ،پولیس اور شہری دفاع کے ادارے کھلے رہینگے۔ ادھر وسطی باغ کے ضمنی الیکشن کے سلسلے میں انتخابی مہم ختم ہوگئی ہے ۔ترجمان آزاد جموںوکشمیر الیکشن کمیشن عوام الناس پر زور دیا ہے کہ قانون کے مطابق ووٹ صرف اصل شناختی کارڈ پر یذائیڈنگ آفیسر کو دکھا کر ہی پول کیا جاسکتا ہے ۔ لہذا متذکرہ حلقہ کے تام ووٹر ز پولنگ کے دن اپنے ہمراہ اصل شناختی کارڈ لے کر پولنگ اسٹیشن پر جائیں تاکہ انہیں کسی قسم کی پریشانی کا سامنا نہ کرنا پڑے ۔ تاہم یہاں یہ وضاحت کی جاتی ہے کہ قانون کے مطابق نادرا کی جانب سے جاری شدہ زائد المعیاد اصل شناختی کارڈ بھی حق رائے دہی استعمال کرنے کے لئے قابل قبول ہوگا۔ قانون ساز اسمبلی کے ضمنی انتخابات حلقہ ایل اے ۔15باغ 2 کے لیے پاکستان پیپلز پارٹی آزاد کشمیر کے امیدوار ضیا القمر، مسلم لیگ ن کے راجہ مشتاق منہاس، پاکستان تحریک انصاف آزاد کشمیر کے امیدوار کرنل ضمیر کے درمیان مقابلہ ہوگا۔