عمران خان کی آج ممکنہ پیشی اسلام آباد ہائیکورٹ نے سیکورٹی کیلئے سرکلر جاری کر دیا

اسلام آباد (نمائندہ جنگ) اسلام آباد ہائی کورٹ نے محسن شاہنواز رانجھا پر حملہ اور اداروں کے خلاف بیان پر درج مقدمات میں چیئرمین تحریک انصاف عمران خان کی آج 8 جون کو ممکنہ پیشی کے پیش نظر سیکورٹی سے متعلق سرکلر جاری کر دیا ۔ رجسٹرار ہائیکورٹ کی جانب سے جاری سرکلرمیں آئی جی اور ضلعی انتظامیہ کو سیکورٹی انتظامات کی ہدایت کرتے ہوئے کہا گیا ہے کہ کورٹ روم نمبر 1 میں وکلاء اور صحافیوں کا داخلہ خصوصی پاس کے ذریعے ہو گا۔