اسپیکر گلگت بلتستان اسمبلی کیخلاف تحریک عدم اعتماد کامیاب

گلگت (اے پی پی)اسپیکر گلگت بلتستان اسمبلی کے خلاف تحریک عدم اعتماد کامیاب ہوگئی ۔ قرارداد کے حق میں 21 جبکہ مخالفت میں ایک ووٹ پڑا،اپوزیشن نے حصہ نہیں لیا، بدھ کو پاکستان تحریک انصاف گلگت بلتستان کے ممبر اسمبلی جاوید منوا جو کہ وزیر خزانہ گلگت بلتستان بھی ہیں نے یہ تحریک اسمبلی میں پیش کی ۔ اس دوران کل 22 ممبران اسمبلی نے ووٹ پول کئے۔ قرارداد کے حق میں 21 جبکہ مخالفت میں ایک ووٹ پڑا۔اس طرح سید امجد زیدی سپیکر نہیں رہے۔اپوزیشن جماعتوں کے ممبران نے ووٹنگ کے عمل میں حصہ نہیں لیا۔