پشاور ہائی کورٹ: علی محمد خان کی 3MPO کے گرفتاری وارنٹ کالعدم کارکنوں سمیت رہا کرنے کا حکم

پشاور(نمائندہ جنگ)پشاورہائیکورٹ کے جسٹس اعجاز انور اور جسٹس عتیق شاہ پر مشتمل بنچ نے نے سابق وفاقی وزیر مملکت علی محمد خان کی تین ایم پی او کے گرفتاری وارنٹ کالعدم قرار دیتے ہوئے ان کو کا رکنوں سمیت رہا کرنے کے احکامات جاری کر دیئے۔جسٹس اعجاز انور نے کہا کہ جو پریس کانفرنس کرے چھوڑ دیا جاتا ہے جو نہیں کرتا پھر گرفتار کر لیتے ہیں، کس طرح سنگین الزامات ختم ہوجاتے ہیں ؟،درخواست گزار وکیل علی زمان ایڈوکیٹ نے عدالت کو بتایا علی محمد خان کو 3 ایم پی او کے تحت اسلام آباد پولیس نے گرفتار کر کیا وہاں رہائی ملنے پر انھیں کے پی پولیس کے حوالے کردیا گیا ۔