لاہور ہائیکورٹ،آلودگی پھیلانے والی فیکٹریوں کو پہلے سیل ،خلاف ورزی پر مسمار کرنے کا حکم

لاہور (صباح نیوز)لاہور ہائیکورٹ نے آلودگی پھیلانے والی فیکٹریوں کو پہلے سیل اور خلاف ورزی پر مسمار کرنے کا حکم دے دیا۔جمعہ کو سموگ کے تدارک اور ماحولیاتی آلودگی کیخلاف درخواستوں پر سماعت لاہور ہائی کورٹ میں ہوئی۔ جسٹس شاہد کریم نے کہا کہ سموگ کے تدراک کیلئے تمام وسائل بروئے کار لائے جائیں،لاہور میں پھلدار اور سایہ دار درخت لگائے جائیں۔عدالت نے حکم دیا کہ آلودگی پھیلانے والی فیکٹریوں کو پہلے سیل اور خلاف ورزی پر مسمار کیا جائے جبکہ جس علاقہ میں آلودگی ہو وہاں کے ماحولیاتی آفیسر کیخلاف کارروائی کی جائے۔لاہور ہائیکورٹ نے لاہور شہر میں تجاوزات کیخلاف آپریشن کی تفصیلی رپورٹ طلب کرلی