عام انتخابات کیلئے42.41 ارب، سکیورٹی کیلئے 15 ارب روپےمختص

اسلام آباد(طاہر خلیل) وفاقی حکومت نے ممکنہ طور پر اکتوبر یا نومبر 2023 میں ہونیوالے آئندہ عام انتخابات کیلئے اگلے مالی سال کے بجٹ میں تقریباً42.41 بلین روپے مختص کئےہیں سکیورٹی کیلئےبھی 15 ارب روپے کی رقم مختص کی گئی ہے، بجٹ میں پراجیکٹ مینجمنٹ یونٹ اور ووٹنگ کیلئے 5 ارب 60 کروڑ روپے سے زائد، بیلٹ پیپرز کی چھپائی کیلئے 4 ارب 83 کروڑ روپے سے زائد کی رقم مختص کی گئی ہے،انتخابی فہرستوں کی چھپائی کیلئے 270 ملین روپے مختص کئے گئے ہیں وفاقی حکومت نے الیکشن ٹریننگ ونگ کیلئے ایک ارب 79 کروڑ روپےمختص کئے ہیں میڈیا کوآرڈی نیشن کیلئے 500 ملین روپے سے زائد کی رقم مختص کی گئی ہے،انتخابی تیاریوں کیلئے اگلے بجٹ میں2.1 ارب روپے سے زائد کی رقم رکھی گئی ہے،الیکشن کمیشن نے صرف پنجاب میں عام انتخابات کیلئے 51ارب روپے مانگے تھے جس کا تنازع سپریم کورٹ میں بھی چلتا رہا جبکہ ملک بھر میں قومی اسمبلی اور صوبائی اسمبلیوں کے انتخابات پر گزشتہ سال 62ارب روپے کا تخمینہ تھا جبکہ بدلتے معاشی حالت میں انتخابی اخراجات بڑھ کر 70ارب روپے تک پہنچ گئے ہیں ۔