ای او بی آئی کو چھ ہفتوں میں جائیدادوں کے تنازع کے فیصلے کا حکم

اسلام آباد (این این آئی)سپریم کورٹ آف پاکستان نے ای او بی آئی کو چھ ہفتوں میں جائیدادوں کے تنازعسے متعلق فیصلہ کرنے کا حکم دے دیا ہے جبکہ چیف جسٹس عمر عطاء بندیال نے نے ریمارکس دیے کہ ای او بی آئی ایک بڑا ادارہ ہے، اسے دوبارہ اپنے پائوں پر کھڑا کریں۔منگل کو چیف جسٹس عمر عطا بندیال کی سربراہی میں سپریم کورٹ کے تین رکنی بینچ نے کیس کی سماعت کی۔دوران سماعت چیف جسٹس نے ریمارکس دئیے کہ 10 سال کے مقابلے میں آج پراپرٹی کی قیمتیں کہاں سے کہاں پہنچ گئی ہونگی، جن کے کروڑوں پھنسے ہوئے ہیں وہ بھی پاکستانی شہری ہیں، پیسوں کے معاملے پر عدالت عدم اطمینان کا شکار رہتی ہے، افسری کرنے کے بجائے انہیں بتائیں کہ حالات بدل گئے ہیں امید ہے ای او بی آئی دیانت داری کیساتھ فیصلہ کریگا، جن کے پیسے واپس کرنے ہیں واپس کریں ورنہ پراپرٹی انکے حوالے کی جائے، اس مسئلے کا ای او بی آئی کو حل نکالنا ہوگا، چیئرپرسن ای او بی آئی نے مہلت طلب کی جس پر عدالت نے سماعت اگست تک ملتوی کردی۔