9مئی ہنگامہ آرائی کیس،شاہ محمود قریشی کی 4جولائی تک ضمانت منظور

اسلام آباد(پی پی آ ئی)ڈسٹرکٹ اینڈ سیشن کورٹ اسلام آبادنے تھانہ کھنہ میں درج 9مئی ہنگامہ آرائی کیس میں شاہ محمود قریشی کی4جولائی تک ضمانت منظور کرلی دوسری طرف پی ٹی آئی رہنما شاہ محمود قریشی نے کہا ہے کہ مقدمہ من گھڑت ہے،،موجودہ بجٹ آئی ایم ایف فریم ورک کے برعکس ہے،ن لیگ اور پیپلزپارٹی محاذ آرائی کی کیفیت میں ہیں ۔ ذرا ئع کے مطابق ڈسٹرکٹ اینڈ سیشن کورٹ اسلام آباد میں شاہ محمود قریشی کیخلاف تھانہ کھنہ میں درج9 مئی ہنگامہ آرائی کیس کی سماعت ہوئی، عدالت نے پی ٹی آئی رہنما کی 4 جولائی تک ضمانت منظور کرلی ،شاہ محمود قریشی کی 10 ہزار روپے مچلکوں کے عوض ضمانت منظور کی گئی۔دوسری جا نب پی ٹی آئی رہنما شاہ محمود قریشی نے میڈیا سے گفتگو کرتے ہوئے کہا ہے کہ مجھ پر9 مئی کے حوالے سے دو مقدمات درج کئے گئے،میں اسلام آباد میں نہیں کراچی میں تھا، مقدمہ من گھڑت ہے،مقدمات کا سامنا کررہے ہیں اور کریں گے۔ انہوں نے کہا کہ موجودہ بجٹ آئی ایم ایف فریم ورک کے برعکس ہے،ن لیگ اور پیپلزپارٹی محاذ آرائی کی کیفیت میں ہیں،چیئرمین نادرا اور چیئرمین پی سی بی کی تعیناتی پر کھینچا تانی چل رہی ہے۔