روسی تیل آنے سے پٹرولیم مصنوعات 30 سے 40 روپے تک سستی ہونیکا امکان

کراچی (پی پی آئی)روسی خام تیل کا بحری جہاز پیر پوائنٹس کے پی ٹی ٹرمینل پر لنگر انداز،روسی خام تیل کی پاکستان ریفائری کو منتقلی کا عمل جاری ہے۔ پی پی آئی کے مطابق 45ہزار 124 میٹرک ٹن میں سے اب تک 60فیصد خام تیل کی منتقلی کا عمل پورا ہوچکا ہے،183 میٹر لمبے روسی جہاز ’پیور پوائنٹ‘ میں 45 ہزار 124 میٹرک ٹن تیل لدا ہے، روسی جہاز سے خام تیل کی منتقلی پاکستان ریفائری کے ٹینکس میں کی جارہی ہے ،پاکستان ریفائری روسی خام تیل کو ریفائن کریگی ۔ معاہدے کیمطابق 45 ہزار ٹن تیل کراچی پہنچ چکا جبکہ باقی بھی جلد پاکستان پہنچ جائے گا۔