شہریوں پر فوجی عدالتوں میں مقدمے کی رپورٹس سے آگاہ ہیں، امریکا

کراچی (جنگ نیوز) امریکی محکمہ خارجہ کے ترجمان میتھیو ملر نے کہا ہے کہ 9مئی کے واقعات میں مبینہ طور پر ملوث شہریوں کے مقدمے فوجی عدالتوں میں چلانے کی رپورٹس سے آگاہ ہیں، پریس بریفنگ میں انہوں نے کہا کہ پاکستانی حکام سے کہتے ہیں کہ آئین کے مطابق سب کے لئے جمہوری اقدار، قانون کی حکمرانی کی عزت کریں، انسانی حقوق، جمہوریت، صحافیوں کی سکیورٹی اور قانون کی پاسداری پر اعلیٰ پاکستانی حکام سے مسلسل رابطے میں ہیں، یہ امریکا کے لئے ترجیحی بنیادیں ہیں، روسی تیل کی خریداری کے سوال پر ترجمان نے کہا کہ واضح کرتے آئے ہیں کہ ہر ملک کو اپنی توانائی کی ضروریات کے مطابق فیصلہ کرنا ہے۔