روس سے خام تیل کم قیمت پر ملا، فائدہ عوام کو منتقل کرینگے، مصدق ملک

اسلام آباد (نمائندہ جنگ)وزیر مملکت پیٹرولیم مصدق ملک نے کہا ہے کہ روس سے درآمد کئے جانے والا خام تیل کم قیمت پر مل رہا ہے، اس کافائدہ عوام کو منتقل کیاجائے گا، آذربائیجان ہر ماہ پاکستان کوسستا ایل این جی کا رگو فراہم کریگا، امریکا سے گرین ہائیدروجن اور امونیا لائیں گے، سائفر کے ڈرامہ کے بعد امریکا کے آگے گڑ گڑانے تک کا سفر عوام نے دیکھ لیا۔ مانتے ہیں مہنگائی ہے، اس کیلئے کام کر رہے ہیں، 75سال میں پہلی بار روسی تیل کا جہاز پاکستان آیا۔اسلام آباد میں پریس کانفرنس کرتے ہوئے مصدق ملک نے کہا کہ ایک لاکھ ٹن روسی خام تیل ʼیورول خریدا ہے، سیمپل کی ٹیسٹنگ ہو چکی ہے، یورپی ممالک کو دعوت دی ہے کہ وہ پاکستان میں ایل این جی کے کارخانے لگائیں، ترکمانستان کے ساتھ تاپی گیس پائپ لائن کامعاہدہ بڑی پیشرفت ہے، ملکی گیس کا گردشی قرضہ ختم کر دیا ہے، تیل و گیس کی تلاش کیلئے 16 سے 24 نئے آف شور بلاکس نیلام کریں گے۔