چیئرمین نادرا طارق ملک مستعفی، بیرون ملک جانے سے روک دیا گیا

اسلام آباد( نمائندہ جنگ،جنگ نیوز ) چیئرمین نادرا طارق باجوہ مستعفی، بیرون ملک جانے سے روک دیا گیا، وزیراعظم نے استعفیٰ منظور کرلیا ، طارق ملک کیخلاف نیب ، ایف آئی اے میں تحقیقات جاری ہیں، تفصیلات کے مطابق نیشنل ڈیٹا بیس اینڈ رجسٹرریشن اتھارٹی (نادرا) کے چیئرمین طارق ملک نے استعفیٰ دے دیا،ذرائع کے مطابق وزیر اعظم شہباز شریف سے ملاقات میں چیئرمین نادرا نے استعفیٰ پیش کیا،وزیراعظم نے چیئرمین نادرا کا استعفیٰ منظور کرلیا اور کابینہ ڈویژن کو طارق ملک کے استعفے کا نوٹیفکیشن جاری کرکے متعلقہ وزارتوں کو بھجوانے کی ہدایت کردی ہے ۔طارق ملک کو بیرون ملک جانے سے روک دیا گیا ہے، ذرائع نے بتایاکہ وفاقی تحقیقاتی ایجنسی (ایف آئی اے) نے چیئرمین نادرا کے بیرون ملک جانے پر عارضی پابندی عائد کی ہے۔ذرائع کے مطابق چیئرمین نادرا طارق ملک کے خلاف قومی احتساب بیورو (نیب) اور ایف آئی اے میں تحقیقات جاری ہیں، وزیراعظم نے چیئرمین نادرا کے طور پر طارق ملک کی خدمات کو سراہا اور امید ظاہر کی کہ وہ آئندہ بھی ملکی ترقی و خوشحالی میں اپنا کردار ادا کرتے رہیں گے۔