ریٹ کم کرنے سےٹیکس نیٹ میں اضافہ ہو گا:ریونیو ایڈوائزر

لاہور (نیوزرپورٹر)ریونیو ایڈوائزر زایسوسی ایشن کے چیئر مین عامر قدیر نے کہا ہے کہ وفاقی حکومت آئندہ مالی سال کے ٹیکس اہداف کے حصول کیلئے ایف بی آر کی ساری مشینری کو متحرک کرے ،ملک میں ٹیکس سپیس بہت زیادہ ہے صرف وژن کی کمی ہے ،مطالبہ ہے کہ حکومت ٹیکس ریٹس کی شرح کو نیچے لائے جس سے ٹیکس نیٹ میں اضافہ ہوگا ۔ انہوں نے کہاکہ حکومت نے آئی ٹی سیکٹر کی برآمدات کا ہدف 15ارب ڈالر مقر کیا ہے جبکہ بنگلہ دیش 48ارب ڈالر کی برآمدات کر رہا ہے ۔حکومت اور ایف بی آر موجودہ ٹیکس دہندگان کو نشانہ بنانے کی بجائے اہداف کے حصول کے لئے نئے شعبوں کی تلاش کریں ۔گردشی اور غیر ملکی قرضوں سے نجات حا صل کرنے کیلئے ایمر جنسی کی طرز پر پالیسی دینا ہو گی ،انہوں نے کہا کہ بنیادی شرح سود 21 فیصد کے ساتھ کوئی بھی تاجر بینکوں سے قرض لے کر سرمایہ کاری کا خطرہ مول نہیںلے گا ۔