چارٹر آف اکانومی ضروری، اشعار کے ذریعے حکومت پر تنقید، سینٹ اجلاس کی جھلکیاں

اسلام آباد (ساجد چوہدری،شکیل اعوان) سنیٹرڈاکٹر ہمایوں مہمند اپنی بجٹ تقریر میں حکومت پر اشعار کے ذریعے تنقید کرتے رہے،سنیٹرمحسن عزیزنے کہا اس کو چھٹی نہ ملی جس نے سبق یاد کیا، اس کے مصداق بار بار انہی سے ٹیکس لیا جا رہا ہے جو پہلےٹیکس ادا کر رہے ہیں ، چارٹر آف اکانومی بہت ضروری ہے ،ڈپٹی چیئرمین مرزا محمد آفریدی نے ڈیڑھ گھنٹے کے بعد اجلاس کی صدارت کی،سنیٹر محسن عزیز نے کہا اس سال ایک لاکھ گدھوں کی تعداد بڑھی ہے ،سنیٹر مہر تاج روحانی نے کہا بجٹ کی یہ کتابیں خدا کی قسم کوئی نہیں پڑھتا ، ہمیں چھوٹی سی بجٹ کی کتاب دیا کریں جو ہم پڑھ سکیں ، سنیٹر وقار مہدی نے گدھوں کا نام لیا تو اپوزیشن کی طرف سے شور شرابہ شروع ہو گیا ، ڈپٹی چیئرمین نے دونوں طرف کے ارکان کو خاموش کروایا ۔اجلاس کے آ غاز پر سینیٹر ز کے تعداد کم تھی ، سینیٹر ہمایوں مہمند نے اشعار سنائے تو ایوان کا ماحول تلخ ہو گیا،قاسم کے ابو کا زکر ،سینیٹر ہمایوں مہمند نے مولانا فضل الرحمان پر شدید تنقید کی جس پر جے یو آ ئی کے ارکان کھڑے ہو گئے ،سینیٹر ہمایوں مہمند نےپی ڈی ایم کا معنی بولا پاکستان ڈیزاسٹر موومٹ۔